Blogger Widgets

Saturday, March 17, 2012

ఘన వైకుంఠము

Saturday, March 17, 2012

అన్నమయ్య వారి రచనలలో ఈ పాటలలో  గొప్పది.  కన్నులెదిటిదే ఘన వైకుంఠము.  ఈ పాట వింటుంటే నాకు అమ్మమ్మ చెప్పిన ఒక విషయము గుర్తువస్తోంది.  అది ఏమిటంటే.  ఒక వ్యక్తికి వైకుంఠము  ఎక్కడుంటుంది అన్న డౌట్ వచ్చింది.  అతని దగ్గరకు ఒక ఋషి వచ్చినప్పుడు ఆవ్యక్తి వైకుంఠము ఎక్కడుంది అని అడిగాడు.  అప్పుడు ఆ ఋషి నీవు గజేంద్రమోక్షము చదవలేదా అని అడిగాడట.  పోనీ ప్రహ్లాదచరిత్ర చదివావా అని అడిగాడు. అప్పుడు ఆ వ్యక్తి చదివాను అన్నాడు.  అయితే ఆకదలలో భగవంతుడు ఎలావచ్చాడు. భక్తుడు  పిలవగానే భగవంతుడు వచ్చాడు కదా!  కావునా మనకు తెలుస్తూనే వుంది కదా పిలిస్తే పలికేటంత దూరంలోనే  వైకుంఠము వుంది అని.  అప్పుడు ఆవ్యక్తి ఆసమాదానానికి తృప్తి చెందాడు.  ఈ కధ నాకు బాగా ఇష్టము అందుకే ఈ సందర్భములో మీతో పంచుకున్నాను.  ఈ పాట అన్నమయ్య రచించారు.  ఇక్కడ MS సుబ్బలక్ష్మి గారు పాడారు. 
   


కన్నులెదిటిదే ఘన వైకుంఠము | వెన్నుని గొలిచిన విజ్ఞానికిని ||

తలచిన దెల్లా తత్త్వ రహశ్యమె | తెలిసిన యోగికి దిన దినము |
పలికిన దెల్లా పరమ మంత్రములె | ఫలియించిన హరి భక్తునికి ||

పట్టిన దెల్లా బ్రహ్మాత్మకమే | పుట్టును గెలిచిన పుణ్యునికి |
మెట్టిన దెల్లా మిన్నేటి నిధులె | రట్టడి తెగువ మెరయు వానికిని ||

వినినవి యెల్లా వేదాంతములే | ఘనుడగు శరణాగతునికిని |
యెనసిన శ్రీ వేంకటేశుడె యింతా | కొనకెక్కిన నిజకోవిదునికిని ||

3 comments:

  1. వైష్ణవీ, చక్కని పాట. అన్నమయ్య పాటలనుండి ఇంకా చాలా నేర్చుకోవచ్చు.నేను పండితుణ్ణి కాను, అయినా కొన్ని విషయాలు చెబుతాను.

    విష్ణువు (తత్సమం)- వెన్నుడు (తద్భవం)
    మెట్టిన దెల్లా మిన్నేటి నిధులె - మిన్నేరు అంటే గంగ అనుకుంటాను. తాతయ్యను అడిగి కనుక్కోగలవు.
    రట్టడి తెగువ మెరయు వానికిని - రట్టడి అంటే రాష్ట్రకూటవంశజుడు అని, వాళ్ళే నేటి రెడ్లు అని వ్యవహారం.
    కొనకెక్కిన నిజకోవిదునికిని - కొనకెక్కిన అంటే పదును తేలిన అనుకుంటాను.

    తెలుగు బాగా రావాలంటే అన్నమయ్య పాట

    ReplyDelete
  2. manchi kirtana.
    btw, ivala annamayya vardhanti :
    listen to this kirtana :
    http://annamacharya-lyrics.blogspot.in/2006/12/105dinamu-dwaadasi-nedu.html

    ReplyDelete
  3. రవి,శ్రావణ్ అన్నయ్య చాలా మంచిగా వివరణ ఇచ్చినందుకు మీకు నా ధన్యవాదములు.

    ReplyDelete

Lahari.Com బ్లాగు వీక్షించినందులకు కృతఙ్ఞతలు అందుకోండి.

My Blog Lovers