Blogger Widgets

Wednesday, November 06, 2013

చల్లరే హరిపై జాజరజాజ

Wednesday, November 06, 2013


శంకరాభరణం

చల్లరే హరిపై జాజరజాజ
చల్లఁగా సరసపు జాజరజాజ. IIపల్లవిII

సతతపు వలపుల జాజరజాజ 
చతురలమాటల జాజరజాజ 
సతమగు నవ్వుల జాజరజాజ 
జతనపు సిగ్గుల జాజరజాజ. IIచల్లII

సముకపు కొసరుల జాజరజాజ 
సమరతికరఁగుల జాజరజాజ 
జమళి తమకముల జాజరజాజ 
సమయని యాసల జాజరజాజ. IIచల్లII 

జడియని పంతపు జాజరజాజ 
సడఁగుల చేఁతల జాజరజాజ 
జడిగొనుచెమటల జాజరజాజ 
జడగొను పెనఁగుల జాజరజాజ. IIచల్లII

చలముల వొట్ల జాజరజాజ 
సలిగెలపగటుల జాజరజాజ 
చలువల వినయపు జాజరజాజ 
సళుపుల చూపుల జాజరజాజ. IIచల్లII 

సంగడి మూఁకల జాజరజాజ 
జంగిలి మతకపు జాజరజాజ 
సంగాత మమరిన జాజరజాజ 
సంగతి యెరికల జాజరజాజ. IIచల్లII

సారపు మోవుల జాజరజాజ 
సారెకుఁ బొలసేటి జాజరజాజ 
సౌరుచి మెచ్చుల జాజరజాజ 
జారతనంబుల జాజరజాజ. IIచల్లII


సందడి కొలువుల జాజరజాజ 
సందుల వొత్తుల జాజరజాజ 
చందురు పాటల జాజరజాజ 
సందె చీఁకటుల జాజరజాజ. IIచల్లII


చాలుకొను సతుల జాజరజాజ 
జాలివిరహముల జాజరజాజ 
చాలామరిగిన జాజరజాజ 
చౌలూరించే జాజరజాజ. IIచల్లII


చనుఁగవ గురుతుల జాజరజాజ 
చనవుల కొసరుల జాజరజాజ 
యెనసెను శ్రీవేంకటేశ్వరుఁ డీతని 

చనుమానంబుల జాజరజాజ. IIచల్లII 

2 comments:

  1. Lahari gaaru, thanqqqq thaaanqqqq thanq so muccchhh.... Okamanchi song mee blog valla telusukunnaanu...
    meerilaage manchi manchi tapaalu rastundandi:-):-):-)

    ReplyDelete
    Replies
    1. Thank u very much Karthik Gaaru. meeku ee song nacchinamdu ku chaalaa samthoshamu.

      Delete

Lahari.Com బ్లాగు వీక్షించినందులకు కృతఙ్ఞతలు అందుకోండి.

My Blog Lovers