Blogger Widgets

ఆదివారం, డిసెంబర్ 27, 2015

ఆతడెవ్వాడు చూపరే అమ్మలాల

ఆదివారం, డిసెంబర్ 27, 2015


ఆతడెవ్వాడు చూపరే అమ్మలాల
ఏతుల నాడేటిక్రిష్ణుడీతడే కాడుగదా

కందువ దేవకి బిడ్డగనెనట నడురేయి
అంది యశోదకుకొడుకైనాడట
సందడించి పూతకిచంటిపాలు తాగెనట
మందల ఆవులగాచి మలసెనట

మంచిబండి దన్నెనట మద్దులు విరిచెనట –
ఇంచుకంతవేల కొండయెత్తినాడట
మంచాలపై గొల్లెతలమానాలు చేకొనెనట –
మించుల పిల్లగోవివట్టి మెరసెనటా

కాళింగుని మెట్టెనట కంసు( బొరిగొనెనట –
పాలించి సురల చేపట్టెనట
యీలీల శ్రీవేంకటాద్రి నిరవైనదేవుడట –
యేలెనట పదారువేల ఇంతుల నిందరిని

5 కామెంట్‌లు:

  1. శిరముపై కమనీయ శిఖి పింఛముల వాడు
    చెవుల కుండల దీప్తి చెలువు వాడు
    నుదుటిపై కస్తూరి మృదు తిలకముల వాడు
    ఉరమున కౌస్తుభం బొలయు వాడు
    నాసాగ్రమున గుల్కు నవ మౌక్తికము వాడు
    కరమున వేణువు మెరయు వాడు
    చర్చిత మైపూత హరి చందనము వాడు
    గళమున ముత్యాల కాంతి వాడు

    తరుణ గోపికా పరి వేష్ఠితముల వాడు
    నంద గోపాల బాలు డానంద హేల
    లీల బృందావనము రాస కేళి దేల
    వచ్చు చున్నాడు కన్నుల భాగ్య మనగ .

    రిప్లయితొలగించండి
  2. కెమ్మోవి చిరునగవు రూపుడతడు
    కమ్మానుకొను మురళి దాసుడతడు
    అమ్మలెల్లరుకును ముద్దు బిడ్డడతడు
    నమ్మగ జన ప్రియ బాంధవుడతడు

    దేవతలకే దేవ దేవుడతడు
    దశ దిశల మార్చు దశావతారుడతడు
    సిద్ధించు కైవల్య నాదుడతడు
    కీర్తించి జనులార కొలువరెపుడు

    రిప్లయితొలగించండి
    రిప్లయిలు
    1. కెమ్మోవి చిరునగవు రూపుడతడు
      కమ్మానుకొను మురళి దాసుడతడు
      అమ్మలెల్లరుకును ముద్దు బిడ్డడతడు
      నమ్మగ జన ప్రియ బాంధవుడతడు

      దేవతలకే దేవ దేవుడతడు
      దశ దిశల మార్చు దశావతారుడతడు
      సిద్ధించు కైవల్య నాదుడతడు
      కీర్తించి జనులార కొలువరెపుడు

      చాలా అద్భుతంగా వుందండి. ధన్యవాధములు మీకు .

      తొలగించండి

Lahari.Com బ్లాగు వీక్షించినందులకు కృతఙ్ఞతలు అందుకోండి.

My Blog Lovers

నా యూట్యూబ్ చానల్స్ ప్లీజ్ సబ్స్క్రిబ్ చేయండీ

Diabetic Challenger

DIABETIC CHALLENGER YOUTUBE CHANNEL. PLASE SUBSCRIBE MY CHANNEL...... THANK YOU VERY MUCH.

Ammamma Tho Nenu (అమ్మమ్మ తో నేను

Please subscribe our channel Ammamma Tho Nenu (అమ్మమ్మ తో నేను)