శుక్రవారం, ఏప్రిల్ 19, 2024
పెద తిరుమలాచర్యుల రచన
రాగం:ఖరహరప్రియ తాళం : ఆది
ఒకపరి కొకపరి కొయ్యారమై
మొకమున కళలెల్ల మొలచినట్లుండె॥
జగదేకపతిమేన చల్లిన కర్పూరధూళి
జిగికొని నలువంక చిందగాను
మొగి చంద్రముఖి నురమున నిలిపెగాన
పొగరు వెన్నెల దిగబోసి నట్లుండె॥
పొరిమెరుగు చెక్కుల పూసిన తట్టుపునుగు
కరగి ఇరుదెసల కారగాను
కరిగమన విభుడు గనుక మోహమదము
తొరిగి సామజసిరి తొలికినట్లుండె॥
మెరయ శ్రీవేంకటేశుమేన సింగారముగాను
తరచైన సొమ్ములు ధరియించగా
మెరుగు బోడి అలమేలు మంగయు తాను
మెరుపు మేఘము గూడి మెరసినట్లుండె॥
గురువారం, ఏప్రిల్ 18, 2024
ఇది మా అమ్మమ్మ రిసిపీ నాకు నేర్పించింది
ఇంగువ మిరపకాయలు రిసిపీ:
కావలిసిన పదార్థాలు :
ఎండు మిరపకాయలు - 5
నూనె - అర కప్పు
ఇంగువ - చిటికెడు
విధానం:
ముందుగా ఎండు మిరపకాయలు ముచుకులు తీసి పెట్టుకోవాలి.
స్టవ్ వెలిగించి ముందుగా బాండి పెట్టుకొని అందులో నూనె వేడిచేసుకొని అందులో 3 చిటికెలు ఇంగువ పొడి వేసి తరువాత ఎండుమిరపకాయలు కూడా వేసి వేయించుకోవాలి.
మిరపకాయలు ఎర్రగా వేయించుకోవాలి. స్టవ్ ఆపివేసుకొని మిరపకాయలని నూనెలోనే వుండనివ్వాలి. నూనెను బాగ పీల్చుకొని. రుచిగా వుంటాయి.
ఏదైనా పప్పు లేదా పప్పుకూరలలో అన్నంతో పాటు నంచుకుని తింటే అధిరిపోతుంది అంతే.ఇది నిల్వ పచ్చడిలో కూడా ఎంతో రుచిగా ఉంటుంది మరి మీరు కూడా చేసుకుని చుడండి
ఆదివారం, ఏప్రిల్ 07, 2024
నా యూట్యూబ్ చానల్స్ ప్లీజ్ సబ్స్క్రిబ్ చేయండీ
పోస్ట్‌లు
