నొప్పించక తానొప్పక

ఒక వూరిలో ఒక ధనవంతుడుండేవాడు. అతనిని పరీక్షించాలని శ్రీ లక్ష్మి ,దరిద్ర లక్ష్మి ఇద్దరు వచ్చారు. అతని వద్దకు వచ్చి అతనితో "మా ఇద్దరిలో ఎవరు అందంగా ఉన్నారో చెప్పగలవా "? అని అడిగారు. ధనవంతుడు గొప్ప చిక్కులో పడ్డాడు. శ్రీ లక్ష్మి అందంగా ఉన్నదంటే దరిద్రదేవత తనను పట్టుకొని పీడించవచ్చు. దరిద్ర లక్ష్మి అందంగా ఉన్నదంటే శ్రీ లక్ష్మి కోపంవచ్చి వెళ్లి పోతుందేమో! అని మానసిక ఆందోల్లనపడుతూ ఆలోచించాడు.అతనికి ఒక గోప్పయుక్తి స్ఫురించింది. వారితో" అమ్మలారా..........! మీరు అటు ఇటు నడవండమ్మా ! మీలో ఎవరు అందంగా ఉంటారో చెప్తాను" అన్నాడు. మరల " ఒకరు రండి. మరొకరు పొడి . ఆవిధంగా నడవండి" అన్నాడు. వారట్లే చేసారు. ధనవంతుడు చిరునవ్వుతో గంభీరంగా "అమ్మా! లక్ష్మిదేవి ! నీవు వస్తున్నప్పుడు చాలా అందంగా వుంటావమ్మా ".
"అమ్మా ! దరిద్ర లక్ష్మీ ! నీవు పోతున్నప్పుడు చాలా అందంగా వుతావంమా ".అన్నాడు.ఈ విధంగా యుక్తిగా ఇద్దరినీ తృప్తి పరచాడు. ప్రతీవారికి యుక్తి అవసరం . యుక్తి వలన శక్తీ సంపాదించవచ్చు. ఉపాయం తో అపాయాన్నుంది తప్పించుకోవచ్చు .

తిట్టినవారే...........!

" నన్ను అనవసరంగా ప్రతీవారు తిడుతున్నారు స్వామీ"! అన్నాడు ఒక భక్తుడు. రమణమహర్షితో,
రమణమహర్షి ఏమి మాటలాడలేదు.
`అన్యాయముగా తిట్టడం వల్లనా నాకు చాలా కోపం వస్తోంది, ఏమి చేయమంటారు?' అని అడిగాడు ఆ భక్తుడు.
`ఏముంది ? నువ్వు కుడా వాళ్ళతో చేరి నిన్ను నువ్వే తిట్టేసుకో , సరిపోతుంది' అన్నారు మహర్షి.
`అదేంటి స్వామీ అలా అన్నారు ?' అని తెల్ల మొహం వేసాడు భక్తుడు.
`వాళ్లు తిట్టేది నీ శరీరాన్నే కదయ్యా !
కోపతాపాలతో నిండిన ఈ శరీరం కన్నా నీకు శత్రువెవరు ? కనుక తిట్టేవల్లంతా నీకు మేలే చేస్తూన్నారు. పోగిడేవాల్లకన్నా వాళ్ళే నీకు నిజమైన మిత్రులు' అన్నారు మహర్షి.
"శరీరమే నేను" అనుకోవద్దని రమణ మహర్షి భోధ.

ప్రశ్నకు ప్రశ్న ! ..........

మనలో చాలా మంది ప్రతీ దానికి ప్రశ్నిస్తూ వుంటారు. వాటికి సమాదానం చెప్పలేనివి కొన్ని వుంటాయి. అల్లాంటిదాని గురించే మీకు చెప్తాను. నేను అస్తమాను అందరినీ ప్రతీ దాని గురించి ప్రశ్నలు అడుగుతాను . ఐతే ఈ రోజు కూడా రోజులాగే మా అమ్మమ్మని కనిపించిన ప్రతీదాని గురించి అడుగుతున్నాను. అప్పుడు మా అమ్మమ్మ ఈ కద చెప్పింది. ఆ కద మీకు నేను అందిస్తున్నాను. ఓకే నా.

ఒక పిల్లవాడు నడచుకుంటూ వెళ్తున్నాడు . అతని చేతిలో వెలుగుతున్న క్రొవ్వొత్తి ని చూసి ఒక పెద్ద మనిషి అడిగాడు " ఓ అబ్బాయీ ఆవెలుగు ఎక్కడనుండి వస్త్తోంది "అని.
ఆ పిల్లవాడు చాలా గడుగ్గాయి వెంటనే ఆ క్రొవ్వొత్తి ఆర్పివేసి , "ముందు ఆ వెలుగు ఎక్కడకు వెళ్లిందో చెప్పండి, " ఆ తరువాత ఆ వెలుగు ఎక్కడనుండి వస్తోందో చెప్తాను అన్నాడు". ఆ పిల్లవాడు.

కొన్ని ప్రశ్నలు పైకి చిన్నవి గానే కనిపస్తాయి . సమాదానం వెతకబోయినప్పుడు తెలుస్తుంది అవి ఎంత కష్టమైనవో అని .
మా అమ్మమ్మ ఇంకా చెప్పిందీ ........... ఏదైనా ప్రశ్నలు అడిగేముందు దాని గురించి ఆలోచించి , పరిశిలించి , పరిశోధించి అడగాలని చెప్పింది. దాని వల్ల మనకు మంచి ఆలోచనాశక్తి వస్తుందని చెప్పింది. అంతేకాకుండా తెలివితేటలు పెరుగుతుందని చెప్పింది. అమ్మమ్మ బాగా చెప్పింది కదండీ.

నేనే ...........

నేనే శ్రీ వైష్ణవినండి. నేను దసరా రోజు గుడికి వేల్తున్నప్పటి ఫోటో ఇది . మా అమ్మమ్మ రావటం లేదు నేను ఒక్కదాన్నే గుడికి వెళ్తున్నాను. అవతల చాలా పని వుంది. పండగ కదండి. వెరైటి వంటలు చెయ్యమంటున్నారు. నేనేమో పట్టు చీర కట్టు కొని వున్నా మళ్ళి చీర మార్చాలంటే ఎంత చికాకో. మా వాళ్లు వంటల గురించి నన్ను అల్లరి పెట్టటం ఎమైనా భాగుందా ......... మీరే చెప్పండి . ఫస్ట్ ఐతే గుడికి వెళ్లాను లేండి . మొత్తానికి దసరా బాగానే జరుపుకున్నాం లేండి. మీరు కుడా బాగా జరుపుకున్నారా. సరే మరి వుంటానండి. నాకు చాలా పని వుంది మరి. బాయ్ బాయ్.