అమ్మ ముద్దులే మాకిష్టం

ఆటలంటే మాకిష్టం - పాటలంటే మాకిష్టం

ఆటల కన్నా పాటల కన్నా - అల్లరి పనులే మాకిష్టం

సినిమాలంటే మాకిష్టం - మిఠాయిలంటే మాకిష్టం

సినిమా కన్నా మిఠాయి కన్నా - షికార్లు కొట్టుట మాకిష్టం

పిట్టలంటే మాకిష్టం - పువ్వులంటే మాకిష్టం

పిట్టల కన్నా పువ్వుల కన్నా - చెట్లు ఎక్కడం మాకిష్టం

కొత్త బట్టలు మాకిష్టం - పౌడరు స్నోలు మాకిష్టం

బట్టల కన్నా పౌడరు కన్నా - మట్టిలో ఆటలు మాకిష్టం

టీచర్లంటే మాకిష్టం - పాఠాలంటే మాకిష్టం

టీచరు కన్నా పాఠం కన్నా - బడి సెలవంటే మాకిష్టం

వెన్నెలంటే మాకిష్టం - వానలంటే మాకిష్టం

వెన్నెల కన్నా వానల కన్నా - అమ్మ ముద్దులే మాకిష్టం

Carroms

Carroms

Bar Billiards

తెప్పగా మఱ్రాకు మీద

తెప్పగా మఱ్రాకు మీద తేలాడు వాడు - ఎప్పుడు లోకములెల్ల నేలేటివాడు

మోతనీటి మడుగులో యీతగరచినవాడు - పాతగిలే నూతిక్రింద బాయనివాడు

మూతిదోసిపట్టి మట్టిముద్ద పెల్లగించువాడు - రోతయన పేగుల పేరులు గలవాడు

కోడికూత నోరివాని కుర్రతమ్ముడైనవాడు - బూడిద బూసిన వాని బుద్ధులవాడు

మాడవన్నె లేడివెంట మాయలబడినవాడు - దూడల నావుల గాచి దొఱయనవాడు

ఆకసానబారే వూరి అతివల మానముల - కాకుసేయువాడు తురగముపైవాడు

ఏకమై వేంకటగిరి నిందిరారమణి గూడి - యేకాలము బాయని యెనలేని వాడు