చూడచిన్నదానవింతే సుద్దులు

అన్నమాచార్యులు వారు రచించిన  మంచి పాట .  ఈ పాటను మనం గొప్ప సంగీత విద్వాంసులు అయిన గరిమెళ్ళ బాలకృష్ణ ప్రసాద్ అద్బుత గళం నుండి మనం విందాం.

చూడచిన్నదానవింతే సుద్దులు కోటానఁగోటి

యేడేడ నేరుచుకొంటివే వో కలికి

కిన్నెరమీటులలోని గిలిగింతలు , నీ 

వన్నెల కనుచూపుల వలవంతలు

యెన్నరాని యిచ్చకపు టెలయింతలు

యెన్నడు నేరుచుకొంటివే వో కలికి

సారెకు నెడవాయని సరసములు , నీ

తారుకాణ సన్నల తమకములు

గారవించి బుజ్జగించే గమకములు

యేరీతి నేరుచుకొంటివే వో కలికి

కందువ శ్రీవేంకటేశు కలయికలు , నీ

యందమైన సమరతి యలయికలు

పొందుల మునుముంగిలి పొలయికలు

యెందెందు నేరుచుకొంటివే వో కలికి