నీవే మాకు దిక్కు

నీవే మాకు దిక్కు నిన్నే తలతుము 

కావు మా నేర మెంచక కరుణానిధీ 

నెట్టన  సూర్యు లోని నెకొన్న తేజమా 

గట్టిగా జంద్రునిలోనీ  కాంతిపుంజమా 

పుట్టి రక్షించే యజ్ఞ పురుషుని ప్రకాశమా 

వోట్టుక దేవతలలో నుండిన శక్తీ     

సిరులు మించిన యట్టి జీవులలో ప్రాణమా 

గరిమ వేదములలో గల యర్థమా    

పరమపాదమునందు బాదుకొన్న బ్రహ్మమా 

చరాచరములలో సర్వాధారమా 

జగములో వెల సేటిసంసారసుఖమా 

నిగిడిన మంత్రముల నిజమహిమా 

మిగుల శ్రీవేంకటాద్రి మీదనున్న దైవమా 

ముగురు వేల్పులలోని మూలకందమా