పలుమరు ఉట్ల్ల పండగను

ప|| పలుమరు ఉట్ల్ల పండగను | 

     చిలుకు చిడక్కని చిందగను ||

చ|| ఊళ్ళ వీధుల ఉట్ల కృష్ణుడు | 

      తాళ్ళు తెగిపడ తన్నగను |

      పెళ్ళు కఠిల్లు పెఠిళ్ళు చిఠిల్లని | 

      పెళ్ళుగ మ్రోసె పెనురవము ||

చ|| బంగరు బిందెల పాలు పెరుగులు | 

      ముంగిట నెగయుచు మోదగను |

      కంగు కళింగు కఠింగు ఖణింగని | 

      రంగు మీర పెనురవములై ||

చ|| నిగ్గగు వేంకట నిలయుడిటు పా | 

      లగ్గలిక పగుల అడువగను |

      బగ్గు బగ్గిలని పరమామౄతములు | 

      గుగ్గిలి పదనుగ గురియగను ||