అమ్మ మాట -తాతనోట కధ నా చేత రాత

హాయ్ బాగున్నారా! నేనొక కధ చెపుతాను వింటారా . జాగ్రత్తగా వినాలి మరి ఒకే నా ..........
సరే మరి వినండి. అనగనగా ................. అనగనగా...........అనగనగా................
అనగనగా............ జలజలా పారే ఏరు. ఏటి ఒడ్డున ఒక చెట్టు .చెట్టు పై ఒక గూడు . గూడులో ఒక పిట్ట
. పిట్టకి మూడు చిన్న చిన్న పిట్టలు కలవు . అమ్మా , పిల్లలు చాలా సంతోషముగా వుండేవి .
అవి ఆడుకొంటూ, పాడుకొంటూ సరదాగా వుండేవి. .
ఒకనాడు పిట్ట తన పిల్లలకు మేత కోసము వెళ్లి తిరిగి వచ్చు సమయమునకు తన పిల్లలు లో ఒక పిల్ల
గూటి నుండి తల బయటికి పెట్టి బయటి ప్రపంచం చూచుచున్నది .
అంతలో అమ్మ వచ్చి ఆ పిల్లల్నికోపగించుకోని అలా ఇంకెప్పుడు చూడవద్దని చెప్పింది . పొరపాటున క్రిందపడిపోవచ్చు . లేక మన శత్రువులు వచ్చి ఎత్తుకొని వెళ్ళగలరు. మీరు పెద్ద అయిన తరువాత నాలాగే బయటికి వెళ్ళవచ్చు,అని ముద్దు గా మందలించింది అమ్మ .
మరునాడు ఉదయము పిట్ట మేతకు వెళ్ళింది అమ్మ మాట లెక్క చేయక ఆ పిల్ల మరలా బయటికి చూచింది గూటిలో నుండి బయటికి వింతలను . చూచుచున్నది .ఆ సమయమున గూటి అంచు వరకు వచ్చి పట్టు తప్పి కాలుజారి నదిలో పది కొట్టుకు పోయినది.
ఈ కధలో నీతి పెద్దల మాట విననిచో ఆపదలు తప్పవు. అందుకే అలా ఈ కధలో అమ్మ మాట వినకుండా వుండటం వల్ల పిల్ల పడిపోయింది . అమ్మ మాట విని వుంటే ఆ పిట్ట కి బాగుండేది వినలేదు. ఆపదలో పడింది.
ఇది మాతాత చెప్పిన కధ. బాగుంది కాదా.
మరి నేను ఉంటా