చక్కని తల్లి కి చాంగుభళా. (అన్నమాచార్య కీర్తన)

రచన: అన్నమాచార్యులవారు

రాగము: పాడీరాగము

తాళము: ఆది తాళము

పాడినవారు:బాలకృష్ణ ప్రసాద్ గారు
  చక్కని తల్లి కి చాంగుభళా

------------------------------

చక్కని తల్లికి చాంగుభళా తన

చక్కెర మోవికి చాంగుభళా ll

కులికెడి మురిపెపు కుమ్మరింపు తన

సళుపు చూపులకు చాంగుభళా

పలుకుల సొలపుల పతితో కసరెడి

చలముల యలుకకు చాంగుభళా ll

కిన్నెరతో పతి కెలన నిలుచు తన

చన్ను మెరుగులలకు చాంగుభళా

ఉన్నతి పతిపై నొరగి నిలుచు తన

సన్నపు నడిమికి చాంగుభళా ll

జందెపు ముత్యపు సరుల హారముల

చందనగంధికి చాంగుభళా

విందయి వేంకటవిభు పెనచిన తన

సందిదండలకు చాంగుభళా ll