ప్రజల మనిషి అభినవ గాంధి ఇకలేరు.

ప్రజల మనిషి ఇక లేరు

: ముఖ్యమంత్రి వైఎస్ రాజశేఖరరెడ్డి ఇక లేరు. హెలికాప్టర్ కూలి,కాలిపోయిన దుర్ఘటనలో ఆయన అసువులు బాసారు. రాష్ట్ర ప్రజల ప్రియతమ నాయకుడు దుర్మరణానికి నల్లమల అడవులు సాక్ష్యంగా నిలచాయి. అత్యంత దురదృష్టకరమైన ఈ సమాచారం తెలిసిన వెంటనే యావత్ ఆంధ్రదేశం దుఖ:సాగరంలో మునిగిపోయింది. కర్నూలుకు సమీపంలోని వెలుగొండ దగ్గరలోని రుద్రకోడూరు కొండపై కూలిపోయిన హెలికాప్టర్ కాలిపోయిందని, అక్కడ అయిదు మృత దేహాలు కనిపించాయని గురువారం ఉదయం సంఘటనా స్థలానికి చేరిన సైనిక సహాయ సిబ్బంది కేంద్రానికి సమాచారం అందించారు. ఈ విషయాన్ని కేంద్రమంత్రి అహ్మద్ పటేల్ అధికారికంగా ప్రకటించారు. ఈ వార్తతో కాంగ్రెస్ నాయకత్వంలో విషాదం అలుముకుంది. కొండపై హెలికాప్టర్ శకలాలు చెదురుమదురుగా పడి ఉన్నాయని, ఐదు మృత దేహాలు పడి ఉన్నాయని అహ్మద్ పటేల్ విషణ్ణ వదనంతో చెప్పారు.

ఆ ఐదుగురిలో గౌరవనీయులు, ఆంద్రుల అభిమాన నాయకుడు , అభినవ గాంధి, అపర భగీరధుడు అయిన ముఖ్యమంత్రి గారు వైస్ రాజశేఖరరెడ్డి గారు మరణించినారు. వారికి మా కుటుంబంతరుపున , నా తరుపున అశ్రునివాళి అందిస్తున్నాము.ఆయన ఆత్మకు శాంతి కలగాలని కోరుకుంటున్నాము. ఆయన కుటుంబసభ్యులకు , యావత్ ఆంద్ర ప్రజలకు సంతాపం తెలియజేసుకుంటున్నాము. నమస్తే.