జాణతనాలాడేవేలే జంపు గొల్లెతా

జాణతనాలాడేవేలే జంపు గొల్లెతా, వోరి

ఆణిముత్యముల చల్ల లవి నీకు కొల్లలా

పోయవే కొసరుచల్ల బొంకుగొల్లెతా , వోరి

మాయింటి చల్లేల నీకు మనసయ్యీరా

మూయకువే చల్ల చాడిముచ్చు గొల్లెతా, వోరి

పోయవో పోవొ మాచల్ల పులు సేల నీకును

చిలుకవే గోరంజల్ల జిడ్డు గొల్లెతా , వోరి

పలచిని చల్ల నీకు బాతి గాదురా

కలచవే లోనిచల్ల గబ్బి గొల్లెతా , వోరి

తొలరా మా చల్లేల దొరవైతి నీకు

అమ్మకువే చల్లలు వయ్యారి గొల్లెత, వోరి

క్రమ్మర మాతోడనిట్టె గయ్యాళించేవు

సొమ్మెలం బోయేవేలె సొంపు గొల్లెతా, వోరి

దిమ్మరి కోనేటిరాయ తిరమైతి నీకును