భూకాంత సౌభాగ్య లక్ష్మి

తగునయ్య హరినీకు దానము దెచ్చుకొనిన

జగములో భూకాంత సౌభాగ్య లక్ష్మి

కిమ్ముల శిశుపాలుని గెలిచి చేకొంటివిగా

సమ్మతించి రుక్మిణి జయలక్ష్మి

అమ్ముమొనను జలధి నడచి లంక సాధించి

కమ్మర జెకొన్న సీత ఘన వీర లక్ష్మి

నరకాసరునడచి నవ్వుతా జేయివేసితివి

సరిగా సత్యభామెపో సంగ్రామలక్ష్మి

హిరణ్యకశిపు గొట్టి యింద్రాదులకు నీచే

వరమిప్పించిన యాకె వరలక్ష్మి

నిండిన వురము మీద నిఖిల సంపదలతో

అండనుండె యాకెపో ఆదిలక్ష్మి

మెండగు శ్రీవేంకటాద్రిమీద నీసరుస నేగే

గండుమీరె కళాలతో కల్యాణ లక్ష్మి