ఒహో డిం డిం వోగి బ్రహ్మమిదియని

 

ఒహో డిం డిం వోగి బ్రహ్మమిదియని l 

సాహసమున శ్రుతి దాటేడిని ll 

 

పరమున నరము బ్రకృతియు ననగా 

వేరవుదేలియుటే వివేకము l 

పరము దేవుడును అపరము జీవుడు

తీరమైన ప్రకృతియే దేహము ll 

 

జ్ఞానము జ్ఞేయము జ్ఞానగమ్యమును 

పూని తెలియుటె  యోగము l 

జ్ఞానము దేహాత్మ, జ్ఞేయము పరమాత్మ 

జ్ఞానగమ్యమే సాధించుమనసు ll 

 

క్షరము నక్షరము సాక్షి పురుషుడని 

సరవి దేలియుటే సాత్వికము l 

క్షరము ప్రపంచం అక్షరము కూటస్థుడు 

సిరిపురుషోత్తముడే శ్రీ వేంకటేశురుడు ll