వెట్టి వలపు చల్లకు విష్ణుమూరితి నాతో

 వెట్టి వలపు చల్లకు విష్ణుమూరితి నాతో |

 వెట్టిదేర మాటాడు విష్ణుమూరితి ||

వినయము సేసేవు విష్ణుమూరితి | 

వెనకటి వాడవెగ విష్ణుమూరితి |

వినవయ్యా మామాట విష్ణుమూరితి మమ్ము | 

వెనుకొని పట్టకుమీ విష్ణుమూరితి ||

వెరపుగల వాడవు విష్ణుమూరితి నేడు | 

వెరగైతి నిన్ను జూచి విష్ణుమూరితి |

విరివాయె నీమాయలు విష్ణుమూరితి నాకు | 

విరులిచ్చే వప్పటికి విష్ణుమూరితి ||

వెలసె నీ సేతలెల్ల విష్ణుమూరితి మా- | 

వెలుపలలోన నీవె విష్ణుమూరితి |

వెలలేని శ్రీవేంకట విష్ణుమూరితి కూడి | 

విలసిల్లితివి నాతో విష్ణుమూరితి ||