చలి గాలి వేడేల చల్లీనే కప్పురపు

చలి గాలి వేడేల చల్లీనే కప్పురపు

మలయజము తానేల మండీనే

పాపంపు మననేల పారీనే నలుగడల

చూపేల నలువంక జూచీనే

తాపంపు మేనేల తడవీనే పూవింటి

తూపేల చిత్తంబు దూరీనే

వాయెత్తి చిలుకేల వదరీనె పలుమారు

కోయిలలు దామేల గొణిగీనే

రాయడికి నలులేల రసీనే మాతోను

కాయజుడు తానేల కసరీనే

ఏకాంతమునేల యెదురైతినే తనకు

లోకాధి పతికేల లోనైతినే

చేకొనిదే మన్నించె శేషాద్రి వల్లభుడు

పైకొనిదె మమ్మేల పాలించెనే